O XXVIII Premio Nacional de poesía Xosemaría Pérez Parallé ten xa vencedor. Jesús Castro Yáñez, orixinario de Baltar, A Pastoriza, impúxose no certame co poemario Os nomes e os himnos. O xurado do galardón, composto por Estíbaliz Espinosa, Estevo Creus e Fran Cortegoso, seleccionou a obra deste creador, nado en 1992 e que xa se fixera con outros premios como o de relato breve Nélida Piñón, o Xela Árias ou o Ánxel Casal. Ademais de mil euros en metálico, Castro verá a súa obra publicada na editorial Espiral Maior, que colabora coa organización do certame.
