Valérie Jouvé. Sen título. 1994-96
Trinta fotografías, varios filmes e unha instalación feita ex profeso compoñen a que é a primeira exposición monográfica da fotógrafa e cineasta francesa Valérie Jouve no Estado. A Fundación Seoane achega á Coruña Corps en résistance, un proxecto comisariado por Marta Gili, a propia Jouve e Pia Viewing no que a artista "explora a relación entre o individuo e a súa contorna, entre os corpos e os espazos urbanos, cuestionando as problemáticas consustanciis á evolución das sociedades contemporáneas desde un punto de vista político e poético". A mostra, que abriu onte as súas portas, poderá verse ata o vindeiro 17 de xaneiro.
