A Fundación Luis Seoane e o Auditorio de ExpoCoruña serán as sedes que acollan os vindeiros 20 e 21 de novembro a nova edición do Foro de Deseño FEED 2015. A Asociación Galega de Deseñadores (DAG) promove este encontro bienal no que participarán nomes recoñecidos a nivel internacional como Massimo Menichinelli ou Javier Cañada, que impartirán cadanseu seminario especializado, mentres outros creadores como Pepe Barro, Miguel Sabel, Óscar Otero, Marta Verde, Álvaro Valiño ou Raquel Pelta desenvolverán diferentes conferencias.
