Un foro para que profesionais e estudantes intercambien ideas sobre os campos da edición e do deseño. Esta é a proposta que a Asociación Galega de Deseñadores (DAG) fai co FEED, un encontro que se celebrará no Centro Galego de Arte Contemporánea de Compostela os vindeiros 18 e 19 de outubro. No mesmo, intervirán profesionais como Uqui Permui, Héctor Serrano ou Pancho Lapeña, e presentaranse iniciativas como cenlitrosmetrocadrado, estaleiro editora ou eurográficas, entre outras. Ademais, haberá seminarios e mesas redondas.
