Xesús Castro estrea o Premio Literario Nélida Piñón

O pastoricense Xesús Castro recollía onte en Cotobade o I Premio de Relato Breve Nélida Piñón. O Concello de Cotobade, a Deputación de Pontevedra e a Consellería de Cultura convocaron este certame como homenaxe á literata brasileira de raíces galegas, que lle entregou persoalmente o trofeo ao gañador. Castro impúxose entre 180 obras que se presentaron ao certame con O vello e o minotauro , "unha reescrita do mito clásico que vencella a Teseo, a voz protagonista, con Ariadna e o Minotauro", segundo explica explica a nota da Consellaría de Cultura. "A atmosfera que recrea o relato vese impregnada dun forte simbolismo e un tecido conceptual e alegórico que consegue deseñar unha arquitectura na que predomina a harmonía, a contención e a dosificación na intriga", conclúe. O relato gañador será publicado nun libro e o seu autor recibirá 6.000 euros en metálico.