Fálame de San Sadurniño obtén recoñecemento europeo

O proxecto europeo ACTing (Axentes Sociais Promotores da Idade activa a través das TIC), con sede en Suíza, acaba de lle outorgar o seu galardón anual a un proxecto galego. Fálame de San Sadurniño, o proxecto de recuperación de fotografías, audiovisuais e memorias sobre este concello, impúxose entre as trinta e seis iniciativas que aspiraban a este recoñecemento. O xurado valorou factores como o grao de innovación, a creatividade, as tecnoloxías empregadas, a utilidade social, o impacto, a metodoloxía e a visibilidade da iniciativa.