O MARCO acolle Memorias imborrables

Ata o vindeiro sete de febreiro o Museo de Arte Contemporánea (MARCO) de Vigo acolle a exposición Memorias imborrables. Unha mirada histórica sobre a Colección Videobrasil. Comisariado por Agustín Pérez Rubio, o proxecto supón a primeira mostra que se realiza a partir desta colección, que reúne preto de 4.000 ítems entre publicacións, documentación, e uns 1.500 traballos en vídeo de artistas procedentes do "Sur Xeopolítico do mundo". A proposta de Pérez Rubio recolle 18 traballos a través dos que "contribúe a rescatar a memoria de eventos e conflitos cuxa interpretación baseouse en versións oficiais da parte vencedora, ofrecendo narrativas persoais que se fan públicas a través da arte", segundo explica a presentación do Museo.