La Liberté Raisonée, (detalle, 2009)
Xeitos diferentes de ollar a realidade a través da fotografía, o vídeo e a instalación. O Museo de Arte Contemporánea (MARCO) de Vigo inaugura mañá ás 12 horas Historia. Miradas de artistas que se poderá ver ata o vindeiro 25 de maio. A exposición, que fai parte do programa de Photoespaña achega os traballos de Eric Baudelaire, Mohamed Bourouissa, Luc Delahaye, Shai Kremer, Cristina Lucas, Eduardo Nave, Paola de Pietri e Paolo Ventura. Comisariada por Oliva María Rubio, a exposición reflexiona sobre o carácter construído da fotografía nun momento no que etiquetas como reportaxe, documental ou fotoperiodismo están en crise.
