Ballet Norte estrea a súa coprodución co Centro Coreográfico

A partir dun fragmento da novela de Manuel Murguía La mujer de fuego, a compañía Ballet Norte aborda en Atlántica, "soidades, temores, amores e desamores" a se inspirar nos poetas do Rexurdimento. O Teatro Colón da Coruña acolle o vindeiro venres a estrea da primeira coprodución do Centro Coreográfico Galego desta temporada. O proxecto supón o debut de Juan Miguel Hernández como coreógrafo e conta con dez bailaríns sobre o escenario, nunha recreación neoclásica que conta con música de Ismael Berdei.