Cartel de Aínda
O Teatro Rosalía de Castro da Coruña acolle mañá, ás 20:30 horas, a estrea de Aínda, a produción que o Centro Coreográfico Galego aborda para esta temporada. O proxecto, dirixido por Mercedes Suárez está composto pola peza que lle dá título, e que artellou a propia Suárez con Amaury Lebrun,e mais de Jardí Tancat, cunha coreografía de Nacho Duato. Logo da estrea na Coruña, a obra poderá verse o sábado 26 no Teatro Principal de Ourense.
