Tres músicas, coreógrafos, temáticas e vestiarios diferentes baixo un único denominador común: Mercedes Suárez. O Centro Coreográfico Galego estrea esta fin de semana (Teatro Colón, A Coruña. Sábado 21:00 horas) a primeira montaxe asumida con dirección artística e de xestión da súa directora, Mercedes Suárez. Un espectáculo para o que solicitou a colaboración de coreógrafos formados baixo o talento de Nacho Duato, como son Tony Fabre, Ángel Rodríguez e Amaury Lebrun. O resultado é Honey Moon, Dulce Memoria e Magnificat, as tres partes que componen 3Dtres.
