O Teatro Colón da Coruña acolle este venres ás oito e media da tarde a estrea de As catro estacións. O Centro Coreográfico Galego apostou na súa nova produción por unha adaptación contemporánea da obra de Antonio Vivaldi con dirección de Mercedes Suárez conta e coreografías de Kenneth Tindall e de Iker Gómez. Despois da estrea, a montaxe repetirá na Cidade Herculina o sábado e iniciará despois unha xira por Vigo, Rianxo, Vilagarcía, Ourense, O Barco, Pontevedra e Santiago de Compostela. Ailén Ramos, Inés Vieites, Elena Roses, Raquel Santacruz, Juan Miguel Hernández, Víctor Molina, Pastor R. Feal e Pablo Aradillas serán os responsables de interpretar as coreografías, logo de seren escolleitos entre trinta candidatos nun proceso de audicións.
