A anunciada produción do Centro Coreográfico Galego para 2014, A bela adormecida ten xa data de estrea. O Pazo da Ópera da Coruña acollerá os días 21 e 22 de febreiro o ballet de Tchaikovski que dirixe Mercedes Suárez, e que contará coa Orquestra Sinfónica a cargo do acompañamento musical. De xeito previo á estrea oficial, están a realizar na mesma cidade pases escolares entre os días 12 e 14 deste mes. En total serán 12 bailaríns profeisonais os que subirán aos escenario acompañados dun corpo de baile no que participan, ao igual que na anterior montaxe do Centro, estudantes de diferentes escolas de danza do país.
