O Centro Coreográfico estreará A bela durminte en febreiro

Febreiro é o mes previsto, segundo informa hoxe El Ideal Gallego para que o Centro Coreográfico Galego estree a súa nova produción. Unha versión actualizada de A bela durminte, que contará cos alumnos dos conservatorios de danza do país será a primeira das dúas montaxes previstas para este ano. O Centro abría onte o proceso de selección para doce bailaríns e bailarinas que integrarán o seu corpo de baile para a vindeira temporada. Serán oito postos a xornada completa e catro a media xornada, e os interesados deberán pasar unha proba o vindeiro día 18.