Isabel Risco, Celso Fernández e Vidal Bolaño levaron os premios FETEGA

O Festival de Teatro Galego fechou o pasado venres a súa vixésimo sexta edición no Carballiño. No evento de clausura déronse a coñecer os galardóns deste ano, que foron para Isabel Risco no caso do de Mellor Actriz e para Celso Fernández Sanmartín como Mellor Actor. Ibuprofeno Teatro obtivo o recoñecemento ao mellor espectáculo pola súa montaxe O Furancho. Ademais, a organización acordou outorgarlle o Premio de Honra de FETEGA 2015 a Roberto Vidal Bolaño. A nova xeira do encontro de teatro galego acadou un incremento do 42% no número de entradas vendidas a respecto do pasado ano, cun total de 4.200 persoas que se achegaron aos espectáculos programados.