O Carballiño prepárase para acoller, entre o 8 e o 11 de setembro vindeiros, a XXVI edición do Festival de Teatro Galego. O veterán encontro contará, entre outros, coa presenza de Ibuprofeno Teatro, Mofa e Befa, Compañía Floristería e Artesa & Cía. Como novidade, Carlos Blanco e Celso Sanmartín estrearán nesta cita o seu novo espectáculo conxunto, Arenteiro. Ademais, o programa inclúe actuacións para os máis novos e obradoiros.
