O Carballiño bota a andar o 24 Fetega

O Festival de Teatro Galego do Carballiño, Fetega, inicia mañá, catro de setembro a súa 24 edición. Mofa e Befa, co espectáculo Románticos abren o programa, que inclúe tamén O método Gronholm de Talía Teatro e mais Gaivotas Subterráneas, a cargo de Luis Iglesia e Xabier Deive. Carlos Blanco será o encargado de fechar o evento o vindeiro venres 6. Ademais, Fantoches Baj e teatro Babaluva farán actuacións para toda a familia na rúa. As funcións serán ás 22:30 horas no Auditorio Municipal a un prezo de oito euros.