Os nodos do pensamento

A Universidade Invisíbel, CulturaLab, Axóuxere, Alg-a ou Galiza Imaxinaria son algunhas das iniciativas que amosan a variedade e densidade dunha rede que se estende por todo o territorio conformada por propostas alternativas, periféricas, anovadoras e nunha grande medida á marxe das institucións. Sen ser nin moito menos unha listaxe exhaustiva, repasamos da man desta iniciativa os diferentes foros de reflexión que se manteñen no país e que, maioritariamente, temos abordado xa en Culturagalega.gal. Foros de pensamento A atender a este panorama, o Encontro Galego de Novos Pensadores dedicoulle a súa sesión de apertura á presentación de "Proxectos autónomos de pensamento en galego". A Universidade Cromática das Virtudes, a Universidade Invisível e o proxecto Derriba protagonizaron esa primeira xeira. Reportaxe sobre novas propostas de pensamento en Galicia(2011) A Universidade Invisíbel Universidade Cromática das Virtudes Outras experiencias Ademais destas, no espazo dedicado a "experiencias de visibilización de culturas soterrradas" tamén se recolleron distintas achegas innovadoras sobre a nosa realidade. Deste xeito, Manuel Cebral explicou as bases teóricas desde as que desenvolve propostas como Alg-a Lab e Galiza Imaxinaria. Canda a el Fran Quiroga de Montenoso e Culturalab e mais Claudio Pato, coordinador do ciclo Escrita(s) disertaron a partir das súas experiencias. Para alén da xeira especificamente dedicada aos foros de pensamento, no encontro abordáronse tamén plataformas de difusión como Axóuxere, Estaleiro editora ou a experiencia do Cineclube Compostela. Galiza Imaxinaria Alg-a Lab Culturalab Montenoso Editoras independentes (2010) Os cineclubes en Galicia I (2011) Os cineclubes en Galicia II Para alén destes espazos, tamén se abordaron no encontro diferentes problemáticas, que repasaremos nunha vindeira reportaxe.