Castelao protagonizará o vindeiro Día das Artes

Logo do Mestre Mateo, Castelao. O polifacético rianxeiro será homenaxeado na segunda edición do Día das Artes Galegas, que se celebrará o 1 de abril de 2016. O plenario da Real Academia Galega de Belas Artes Nosa Señora do Rosario acordaba este sábado dedicarlle ao pintor, humorista, escritor e investigador esta data "en función dos extraordinarios méritos artísticos" da súa obra e a recoñecer o esforzo teórico e as achegas creativas que realizou para divulgar a dignificación de Galicia e a súas formas de expresión.