Filgueira Valverde
O público pode acceder en rede á obra do autor homenaxeado este ano polas Letras Galegas, Filgueira Valverde, a través do sitio lingua.gal. Esta iniciativa da Secretaría Xeral de Política Lingüística da Consellería de Cultura e Educación pretende difundir e divulgar os traballos que, con motivo do 17 de maio, realizan os centros educativos e os equipos de dinamización da lingua galega. Tamén quere converter este sitio web nunha ferramenta a disposición do profesorado para dar a coñecer nas aulas o legado de Filgueira Valverde.
Os materiais aos que se pode acceder en rede inclúen unha biografía do autor homenaxeado polas Letras Galegas; as unidades didácticas e carteis en formato dixital das exposicións Traballando co vello profesor e Filgueira rima con Armenteira, gañadoras do Concurso-Exposición Letras Galegas 2015.
Tamén se poden consultar diversos documentos, case todos interactivos, elaborados polos equipos de dinamización da lingua galega para difundir a obra de Filgueira e ligazóns e recursos de interese, como o sitio web do Consello da Cultura Galega e a Fundación Filgueira Valverde.
Xunto con estos documentos tamén se pode acceder á lista dos autores homenaxeados nos 52 anos de celebración do Día das Letras.
