A mostra Primavera enDanza de Carballo celebrará a súa décimo terceira edición do 17 ao 30 de abril cunha carteleira de cinco espectáculos (catro deles, galegos) e distintas actividades paralelas de achegamento á danza contemporánea. Este ciclo está organizado pola Consellería de Cultura, xunto co Concello de Carballo, e tamén conta coa colaboracion da Axencia Galega das Industrias Culturais (Agadic).
Nesta nova entrega de Primavera enDanza de Carballo, serán catro as compañías galegas participantes. As Dríadas, que presentará o 17 de abril o espectáculo de hip-hop A Orixe; Entremáns, que representará a peza para público infantil Xoga o domingo 19. O venres 24 será a quenda de Pisando Ovos, no que Rut Balbís interactúa con 25 cadeiras para interpretar Que volvan as flores; e o Colectivo Fume coa creación Fume, presentará unha proposta que mestura sombras, cine e danza sobre o escenario o sábado 25.
Tamén está prevista para o xoves 30 de abril a montaxe Lowland, da compañía catalá de Roser López Espinosa, colaboradora de figuras como Cesc Gelabert ou Ángels Margarit e de presenza habitual en destacados festivais de España, Holanda, Alemaña, Italia, Canadá ou Xapón.
Nesta nova entrega de Primavera enDanza de Carballo, serán catro as compañías galegas participantes. As Dríadas, que presentará o 17 de abril o espectáculo de hip-hop A Orixe; Entremáns, que representará a peza para público infantil Xoga o domingo 19. O venres 24 será a quenda de Pisando Ovos, no que Rut Balbís interactúa con 25 cadeiras para interpretar Que volvan as flores; e o Colectivo Fume coa creación Fume, presentará unha proposta que mestura sombras, cine e danza sobre o escenario o sábado 25.
Tamén está prevista para o xoves 30 de abril a montaxe Lowland, da compañía catalá de Roser López Espinosa, colaboradora de figuras como Cesc Gelabert ou Ángels Margarit e de presenza habitual en destacados festivais de España, Holanda, Alemaña, Italia, Canadá ou Xapón.
