O Consello da Cultura continúa por Brasil os seus proxectos de acción exterior

Unha xira de Ramón Villares, presidente do Consello da Cultura Galega, por Brasil, marca estes días a liña de acción exterior da institución. O programa da viaxe comeza hoxe coa inauguración na sede o Instituto Cervantes no Río de Xaneiro da exposición Os adeuses sobre a emigración galega a Sudamérica nos anos 50. Canda a isto, Villares impartirá dúas conferencias e participará no acto de nomeamento da escritora Nélida Piñón como directora da Cátedra José de Bonifacio do Centro-Iberoamericano. Ademais, a delegación do Consello desenvolverá diferentes contactos con institucións culturais brasileiras e con colectivos da emigración galega.