Ramón Villares, presidente do Consello da Cultura Galega, asinaba hoxe un protocolo cos responsables do Memorial do Imigrande de São Paulo, unha das institucións que posúe un maior fondo documental sobre as migracións no Brasil. En virtude deste acordo, o Consello abordará a dixitalización dos rexistros de pasaxeiros de orixe peninsular que desembarcaron no porto de Santos e recuperará documentos dos organismos oficiais do estado de São Paulo referidos á emigración galega. Villares reuniuse tamén con representantes de diferentes institucións e colectivos paulistas cos que analizou xeitos de difundir a nosa cultura neste estado brasileiro. Mañá inaugurará, no Centro Español da Cidade de Santos, a exposición Nós mesmos. Asociacionismo galego na emigración.
