Unhas xornadas comparan o traballo dos diferentes museos sobre migracións

O Memorial do Imigrante de Sâo Paulo, a Casa do Emigrante Sueco en Växjö, a Casa do Emigrante Alemán de Bremerhaven ou o Museu da Emigraçâo e das Comunidades de Fafe comparten o denominador común de ser espazos que investigan en profundidade a pegada dalgún movimento migratorio. Ademais, son tamén as experiencias que se estudarán no marco das xornadas “A musealización das migracións: experiencias comparadas”, que se celebrarán na Biblioteca do Consello da Cultura Galega (CCG) os días 16 e 17 de decembro. Unha iniciativa organizada pola institución que preside Ramón Villares e que concluirá coa presentación do informe do CCG para a creación do Museo das Migracións.