Desde o pasado 26 de marzo o presidente do Consello da Cultura Galega, Ramón Villares está a facer unha viaxe institucional para estreitar as relacións do noso país con Brasil. Neste percurso, Villares imparte hoxe a conferencia Galicia: unha nación cultural na Universidade de São Paulo. Ao tempo, Villares visitará o Memorial do Emigrante da cidade, un centro co que establecerá un convenio de colaboración para recuperar a documentación referida á emigración española que alí se conserva. A maiores, mañá o presidente do CCG terá un encontro cos responsables do Museo da Língua Portuguesa con vistas a programar no futuro unha exposición sobre Galicia neste centro. Na súa viaxe, Villares participou xa na Conferência Internacional sobre o Futuro da Língua Portuguesa no Sistema Mundial. Ademais, no Instituto Cervantes de Brasilia impartiu a conferencia Galicia: unha cultura-ponte entre Europa e América.
