O Consello da Cultura achega a Arxentina o legado da emigración galega

O legado da emigración e a súa importancia para Galicia é o título da conferencia que impartirá Ramón Villares, presidente do Consello da Cultura Galega (CCG), mañá día 13 no Centro Galicia de Bos Aires. Villares realiza ata o vindeiro día 15 unha visita institucional a Arxentina na que presentará a exposición Nós mesmos. Asociacionismo Galego na Emigración do CCG, que chega a este país logo de visitar Lisboa e Sevilla. Ademais, presentará na sede da Federación de Sociedades Galegas Unha voz galega no exilio e a Escolma de textos en galego que recuperan a oratoria e a escrita de Ramón Suárez Picallo.