Onte presentouse en Santiago de Compostela a programación da terceira edición do Festival Atlántica de Narración Oral, un evento que convirte a Santiago e noutras sedes na capital da palabra. Artistas do Xapón, Uruguai, Inglaterra, Azores, Castela León e os narradores orais de Galicia daranse cita en bares e teatros da cidade entre o 12 e o 19 de marzo. Este ano o Festival abre unha Fila Cero para recoller doazóns que compensen as faltas de patrocinio, a través dun programa que ofrece sorteos de estancias en casas de turismo rural e ceas en emblemáticos restaurantes compostelanos.
