A Sociedade Antropolóxica Galega (SAGA) organiza a terceira edición das Xornadas sobre o Entroido de Galicia. O Centro de Interpretación das Torres Arcebispais de Pontevedra acolle a nova xeira do encontro, que se desenvolverá entre o 27 e o 28 de febreiro. Entroidos como os do Hío, Campañó, A Limia ou Viana, así como o emprego do bombo en Laza durante esta festa son algúns dos temas que se abordarán nos encontros. Ademais, presentaranse as actas da anterior edición, un libro sobre o Entroido de Marcón e unha guía didáctica sobre os Xenerais do Ulla.
