A Coruña é a cidade con máis perfís en redes sociais

A Coruña é a cidade galega líder en número de perfís en dúas das redes sociais xeralistas máis coñecidas no Estado: Facebook e Twitter, de acordo cun estudo presentado onte pola consultora The Social Media Family. En concreto, A Coruña mantén 192.000 perfís de Facebook fronte aos 172.000 de Vigo. Se temos en conta que a poboación da Coruña era en 2014 de 244.810 habitantes e a de Vigo de 296.479, vemos que a penetración das redes sociais non é correlativa á poboación. Agora ben, os autores do estudo consideran que debe ser relativamente frecuente que un usuario declare ser dunha cidade e vivir, por exemplo, nalgún concello do extrarradio. A mesma proporción obsérvase no Twitter. Na Coruña a consultora localizou 30866 (dos cales 13.314 estaban activos no último mes) namentres que en Vigo ea 25.981 dos cales só 10.825 son usuarios activos.