María Galán abre a temporada na Fundación Laxeiro

Desde o pasado venres e ata o vindeiro 5 de abril, a viguesa Fundación Laxeiro acolle a exposición En tránsito. Oitenta pinturas de María Galán amosan o xeito no que esta artista traballa as paisaxes en movemento. Espazos sen figuras, ermos e divididos horizontalmente convidan a reflexionar nas fronteiras entre o observado e o subxectivo. As obras, realizadas en acrílico e lapis sobre taboleiro presentan un tamaño similar, o que contribúe a que a exposición se poida ver como unha secuencia.