Juan Rivas amosa súas Paisaxes tuneadas

Ata o vindeiro 30 de setembro a galería Espacio 48, situada na compostelá Rúa do Vilar acolle a exposición Paisaxes tuneadas. O pontevedrés Juan Rivas amosa nesta serie de cadros a súa visión dunha paisaxe do país, "moderna, na multitude das súas representacións, para amosar o significado conceptual e sentimental que o autor lles adxudica", segundo explica o texto de presentación. A mestura de elementos tradicionais e modernos propios do aspecto actual do noso territorio están presentes nas pinturas da mostra, nas que o artista amosa o seu controlo da luz.