Juan Adrio expón Tempo Gris en Compostela

A Galería Sargadelos de Santiago de Commpostela acolle, a partir das sete da tarde de mañá, a exposición Tempo Gris. Ata o vindeiro trinta de xaneiro poderán verse as fotografías deste autor que xa estiveran expostas no Pazo da Cultura de Pontevedra. O proxecto, comisariado por Ramón Rozas, céntrase en imaxes do horizonte mariño en grande formato, que se completan con outras perspectivas arredor desa liña e con xogos de palabras sobre a paisaxe.