A compostelá galería Trinta inaugura esta tarde Soy tú, o máis recente proxecto de Amparo Garrido que chega por vez primeira ao público. A serie de fotografías supón a continuación de retratos caninos Sobre perros, la mirada y el deseo que a autora realizou entre 1996 e 1998. Unha selección de imaxes desta serie permite coñecer o conxunto do proxecto, que a artista iniciou para superar a súa fobia aos cans e nos que transforma en suxeitos estes animais e os observa en igualdade coas persoas.
