Xa se coñece o programa do IX Encontro Arqueolóxico do Barbanza, que se celebrará na Casa de Cultura de Boiro entre o 28 de febreiro e o 1 de marzo. Coma nos últimos anos, combina conferencias de ámbito español ou internacional con outras de carácter galego. Conferencias sobre o neolítico atlántico, o canibalismo neandertal, as últimas intervencións arqueolóxicas no Barbanza ou exposicións bibliográficas e fotográficas conforman o programa desta edición.
