O VIII Encontro Arqueolóxico do Barbanza presta atención ás conexións atlánticas e célticas

O VIII Encontro Arqueolóxico do Barbanza celebrarase na Casa da Cachada (Boiro) o sábado 22 e o domingo 23 de febreiro de 2014. AS conferencias inclúen a participación de Gonzalo Ruiz Zapatero, que falará sobre "El caleidoscopio "celta": mito, arqueología, divulgación y percepción popular" e Richard Bradley, que fará unha comparación entre a arte rupestre británica e a galega. A maiores, como é habitual no Encontro, presentaranse algunhas das intervencións arqueolóxicas do ano en Galicia, como a campaña do Castro de Elviña, a do sitio arqueolóxico de Ventosiños (Coeses, Lugo), ou a da Rocha Forte.