249 LITROS. 2,25x10x2,10 M. ESPUMA DE POLIURETANO Y SPRAY ROJO FLÚOR MATE. 2015
O MARCO de Vigo decidiu converter o seu espazo de libraría nunha sala de proxectos que recupere o espírito do antigo Espazo Anexo do Marco, no que se convidaba aos artistas a desenvolver obras in situ. O comisario Ángel Calvo Ulloa organiza Intertextual, unha selección de cinco exposicións ao longo de todo 2015. O primeiro artista convidado é Carlos Maciá, coa súa mostra 249 litros, na que o artista "mantén un estreito vínculo coa arquitectura", envolvendo ao espectador e facéndolle establecer un diálogo con esta.
