Obra: Rodríguez Mendez. Permear.
Durante un ano, e cada dous meses, dous artistas con proxectos e identidades aparentemente incompatibles, confluíron nun pequeno espazo de Lalín (Pontevedra), durante un espazo non superior a dúas horas, esforzándose por establecer un diálogo aparentemente imposible. O comisario, Ángel Calvo Ulloa, trasladou a unha vila do interior algunha das grandes cuestións da arte contemporánea, nun proxecto de baixo custe e con financiamento colectivo.
Diálogos improbables estivo activo entre novembro de 2012 e novembro de 2013. Seis eventos, doce artistas e doce proxectos expositivos confrontados, pero só durante un mínimo tempo de dúas horas. Para complementar o traballo dos artistas, seis críticos dialogaron cos artistas e redactaron os textos do catálogo-fichas nos que hoxe podes acceder desde culturagalega.org.
