Diálogos Improbables comeza coa apertura e peche dunha efémera exposición

Apenas unhas horas. Este é o tempo que permanecerá aberto ao público a exposición coa que esta noite arrinca en Lalín o proxecto Diálogos Improbables. Ángel Calvo promove un proxecto que pon en valor a figura do comisario, que obrigará a dialogar a obra de creadores que, a priori, non teñen nada en común. Teo Soriano (Mérida, 1963) e Kepa Garraza (Berango, 1979) concretan esta noite a primeira das seis fugaces exposicións.

Un baixo comercial (bautizado como “Non lugar” ) e nunha vila afastada dos circuítos artísticos actuais son os escenarios elexidos por Ángel Calvo para materializar unha proposta que se presenta como a antiexposición. Unha mostra que só estará aberta ao público no período de inauguración e cuxo resultado se fixará en forma de imaxes e textos nun catálogo. O diálogo da obra entre Teo Soriano, personalidade destacada no mundo da arte contemporánea, e Kepa Garraza son a primeira mostra das seis exposicións que se desenvolverán ao longo de 2013 e con.
Calvo volve deseñar un proxecto para a sua localidade natal, trala boa acollida de Un disparo de advertencia, aínda que con obxectivos e formatos completamente diferentes. “Se antes eran os lugares públicos os que albergaban as intervencións artísticas, agora trasládase a actividade a un espazo pechado e privado cunha selección de obras preexistentes, no que asistimos ao exercicio da institucionalización da arte” explica nunha nota de prensa.