O pasado 27 de decembro abría as súas portas unha nova sala que quere completar a oferta escénica en Vigo. A Avenida de Beiramar acolle a sede de Ártika, Cultura e Arte, un espazo que conta con 150 prazas para o público e que centrará a súa programación nas fins de semana, cunha especial atención ao público infantil. Así, A historia do Apalpador de Títeres Cachirulo serviu para abrir a programación nos días de inauguración. A compañía Triatreros actuará como residente no novo espazo, que ademais ofertará cursos e actividades como música, danza ou ioga.
