O costarricense Erick Cabana e a galega Maruxa Salas, SóLODOS Danza, estrean en Ourense o seu último proxecto. O Auditorio Municipal acolle mañá ás 20:30 horas a posta en escena de Sazón, unha coreografía na que dous personaxes se preparan para unha celebración. "Os seus corpos, as súas texturas e os seus cores identifican o carácter de cada un dos intérpretes, que realizan un ritual físico de preparación pero no que tamén hai encontros oníricos e outros que van organizando os seus corpos para o baile final", explica a compañía. O espectáculo conta cun vídeo no que se inclúen imaxes dea Ruínas de Ujarras, en Cartago (Costa Rica); en La Vilerma, no Mosteiro de Santa María de Melón e en Pazos de Arenteiro.
