A Xunta aprobou onte o proxecto de acordo para subscribir un convenio cos concellos galegos polos que pasa o Camiño Francés, o máis transitado das vías históricas que se dirixían a Santiago. O convenio prevé orzamento para a limepza e conservación do camiño así como a atención continuada ao peregrino no roteiro a partir de persoal con formación en turismo. O orzamento deste conxunto de accións será de 361.000 euros, dos cales case 274.000 serán para as accións de limpeza e conservación do itinerario e case 90.000 para atención e información ao viaxeiro.
