Cultura e Turismo investirá tres millóns de euros na Vía da Prata

O Conselleiro de Cultura e Turismo da Xunta de Galicia, Román Rodríguez, avanzou onte en Silleda o proxecto de "actuación integral" que levará a cabo a Xunta de Galicia na Vía da Prata. Serán tres millóns de euros destinados ao "acondicionamento, mellora e sinalización" desta cada vez máis importante vía de peregrinación a Compostela. O proxecto será consultado cos máis de trinta concellos galegos polos que pasa este camiño. Asímesmo, realizaranse accións de dinamización tamén ao longo do roteiro.