Logo de a estrear este verán no Mostra Internacional de Teatro Cómico de Cangas e de a presentar en encontros como o Galicia Escena Pro, Chévere comezou este outono a xira da súa ultima obra. As fillas bravas supón un achegamento ao cancioneiro tradicional e á visión sobre a sexualidade a as relacións de xénero que se presentan no mesmo. Patricia de Lorenzo, Mónica García e Arantza Villar protagonizan unha obra dirixida por Xesús Ron na que o humor serve de vehículo para "reafirmar modelos empoderados de muller, vencellados a expresións culturais tradicionais que agochan berros emancipatorios e cantos de rebeldía insospeitados". As vindeiras paradas da xira serán hoxe mesmo en Carballo, mañá en Caldas e domingo na escola-mosteiro de Lampai, en Teo.
