A Universidade de Vigo achega a obra gráfica de Castelao nun web

Estudar o "conxunto da súa obra gráfica coa que afondar na faceta do rianxeiro como artista e analizar a evolución da súa traxectoria como ilustrador". Este é o fin co que naceu o proxecto no seo da Facultade de Historia da Universidade de Vigo o proxecto Castelao. Obra gráfica. A construción dun discurso estético, político e social transoceánico. A catedrática emérita Mª Victoria Carballo-Calero coordina unha iniciativa que acaba de publicar un web no que pretende recoller os traballos do rianxeiro publicados en xornais e revistas. Polo momento, o espazo acolle 31 ilustracións aparecidas nas cabeceira Faro de Vigo e Galicia.