O Goberno Central asumirá finalmente os custos de pór en marcha o Plan Director da Catedral de Santiago. O presidente, Mariano Rajoy, asinaba esta mañá co seu homólogo na Xunta, Alberte Núñez Feijoo un protocolo de intención co que se compromete a investir un total de 17 millóns de euros ata 2021. Destes, cinco millóns desembolsaranse ao longo dos vindeiros tres anos para cubrir actuacións urxentes que freen o deterioro do monumento. O plan económico da Catedral, presentado en 2013, pretendía cubrir con fondos privados ata un 80% dos fondos necesarios para desenvolver o plan director do templo.
