A Catedral de Santiago precisa intervencións por valor de 20 millóns

A Comisión Asesora do Casco Histórico de Compostela aprobou onte o proxecto do plan director da Catedral de Santiago, que prevé un investimento de 20 millóns de euros en iniciativas de recuperación. Segundo o documento, que marcará o futuro do templo, cómpre achegar preto de 7 millóns de euros en actuacións inmediatas, e algo máis de oito millóns en restauracións secundarias en torres e templos. En total, o plan contempla a necesidade de achegar 20 millóns de euros en diferentes intervencións, aínda que non pón datas para as mesmas. Fica pendente agora a aprobación deste texto polo Concello de Santiago.