A xornada Bo uso e mal uso do mar abordará a relación cos océanos

Formar o futuro profesorado de Educación Infantil e Primaria para que poida desenvolver accións cos seus alumnos en relación co uso da cidadanía cos océanos. Este é o obxectivo da xornada Bo uso e mal uso do mar que o Consello da Cultura Galega e mais a Universidade de Vigo celebran o vindeiro 25 de novembro na Facultade de Ciencias da Educación e do Deporte de Pontevedra. A iniciativa abordará cuestións como a situación das rías galegas, a integración da Ocean Literacy nas aulas de Educación Infantil e Primaria, os problemas da sustentabilidade ou o obradoiro Mergúllate no Océano.