A Xunta ampliará o proxecto Abalar a 17.000 alumnos máis

Educación pretende duplicar o número de aulas con contidos dixitais

O proxecto Abalar, para a incorporación das novas tecnoloxías nas aulas, chegará o vindeiro curso a máis de 31.500 alumnos de todo o país. Así o anunciou onte a Consellaría de Educación, que quere sumar así a 17.000 novos usuarios a esta iniciativa. Os cursos afectados serán 6º de primaria e 2º da ESO, o que suporá o duplo de aulas con contidos dixitais. A posta en marcha desta iniciativa provocou diferentes críticas este curso pola demora na súa aplicación e mais pola falta de preparación dos docentes que teñen que incorporar estes novos sistemas.