O proxecto ABALAR, que busca integrar as novas tecnoloxías nos centros de ensino, iniciou este luns a distribución de computadores entre os alumnos galegos. Ata final de mes 14.500 estudantes dos 300 centros subscritos a este proxecto recibirán un destes aparellos. A distribución está a se desenvolver en 5º de Primaria e 1º de Secundaria. Ao longo do curso, a Consellaría de Educación pretende ademais completar a formación de 300 coordinadores en Tecnoloxías da Información e da Comunicación nos centros vencellados ao proxecto. Canda á distribución de computadores, as aulas contarán con taboleiros dixitais, canóns de video e outros equipamentos.
