Unha exposición sobre arte e ciencia na Galería Sargadelos de Santiago, outra sobre sensores na Deputación Provincial de Lugo, unha xornada especial de creación de artigos na Galipedia ("Editatón") o vindeiro sábado oito, conferencias ou concursos son algunhas das actividades do V Día da Ciencia en Galego. A xornada, que se celebra hoxe, homenaxea nesta ocasión a Isaac Newton e mais o matemático galego Xosé Rodríguez, e está dedicada ao dereito a gozar da física en galego.
